Namavali: Ramayan Manka 108 | नामवली: रामायण मनका 108 | In English

Raghupati Raghav Raja Ram ।
Patitpawan Sitaram ॥
Jay Raghunandan Jay Ghanshyam ।
Patitpawan Sitaram ॥Bhid Padi Jab Bhakt Pukare ।
Door Karo Prabhu Du:kh Hamare ॥
Dasharath Ke Ghar Janme Ram ।
Patitapavan Sitaram ॥ ॥

Vishvamitr Munishvar Aye ।
Dasharath Bhoop Se Vachan Sunaye ॥
Sang Mein Bheje Lakshman Ram ।
Patitapavan Sitaram ॥ ॥

Van Mein Jae Tadka Mari ।
Charan Chhuae Ahilya Tari ॥
Rshiyon Ke Du:kh Harate Ram ।
Patitapavan Sitaram ॥ ॥

Janak Puri Raghunandan Ae ।
Nagar Nivasi Darshan Pae ॥
Sita Ke Man Bhae Ram ।
Patitapavan Sitaram ॥ ॥

Raghunandan Ne Dhanush Chadhaya ।
Sab Rajo Ka Man Ghataya ॥
Sita Ne Var Pae Ram ।
Patitapavan Sitaram ॥ ॥

Parashuram Krodhit Ho Aye ।
Dusht Bhoop Man Mein Harashaye ॥
Janak Ray Ne Kiya Pranam ।
Patitapavan Sitaram ॥ ॥

Bole Lakhan Suno Muni Gyani ।
Sant Nahin Hote Abhimani ॥
Mithi Vani Bole Ram ।
Patitapavan Sitaram ॥ ॥

Lakshman Vachan Dhyan Mat Dijo ।
Jo Kuchh Dand Das Ko Dijo ॥
Dhanush Todayya Hoon Mai Ram ।
Patitapavan Sitaram ॥ ॥

Lekar Ke Yah Dhanush Chadhao ।
Apani Shakti Mujhe Dikhalao ॥
Chhoovat Chap Chadhaye Ram ।
Patitapavan Sitaram ॥ ॥

Hui Urmila Lakhan Ki Nari ।
Shrutikirti Ripusoodan Pyari ॥
Hui Mandav Bharat Ke Bam ।
Patitapavan Sitaram ॥ ॥

Avadhapuri Raghunandan Aye ।
Ghar-ghar Nari Mangal Gaye ॥
Barah Varsh Bitaye Ram ।
Patitapavan Sitaram ॥ ॥

Guru Vashishth Se Agya Lini ।
Raj Tilak Taiyari Kini ॥
Kal Ko Honge Raja Ram ।
Patitapavan Sitaram ॥ ॥

Kutil Manthara Ne Bahakai ।
Kaiki Ne Yah Bat Sunai ॥
De Do Mere Do Varadan ।
Patitapavan Sitaram ॥ ॥

Meri Vinati Tum Sun Lijo ।
Bharat Putr Ko Gaddi Dijo ॥
Hot Prat Van Bhejo Ram ।
Patitapavan Sitaram ॥ ॥

Dharani Gire Bhoop Tatakala ।
Laga Dil Mein Sool Vishala ॥
Tab Sumant Bulavaye Ram ।
Patitapavan Sitaram ॥ ॥

Ram Pita Ko Shish Navaye ।
Mukh Se Vachan Kaha Nahin Jaye ॥
Kaiki Vachan Sunayo Ram ।
Patitapavan Sitaram ॥ ॥

Raja Ke Tum Pran Pyare ।
Inake Du:kh Haroge Sare ॥
Ab Tum Van Mein Jao Ram ।
Patitapavan Sitaram ॥ ॥

Van Mein Chaudah Varsh Bitao ।
Raghukul Riti-niti Apanao ॥
Tapasi Vesh Banao Ram ।
Patitapavan Sitaram ॥ ॥

Sunat Vachan Raghav Harashaye ।
Mata Ji Ke Mandir Aye ॥
Charan Kamal Me Kiya Pranam ।
Patitapavan Sitaram ॥ ॥

Mata Ji Main to Van Jaoon ।
Chaudah Varsh Bad Phir Aoon ॥
Charan Kamal Dekhoon Sukh Dham ।
Patitapavan Sitaram ॥ ॥

Suni Shool Sam Jab Yah Bani ।
Bhoo Par Giri Kaushalya Rani ॥
Dhiraj Bandha Rahe Shriram ।
Patitapavan Sitaram ॥ ॥

Sitaji Jab Yah Sun Pai ।
Rang Mahal Se Niche Ai ॥
Kaushalya Ko Kiya Pranam ।
Patitapavan Sitaram ॥ ॥

Meri Chook Kshama Kar Dijo ।
Van Jane Ki Agya Dijo ॥
Sita Ko Samajhate Ram ।
Patitapavan Sitaram ॥ ॥

Meri Sikh Siya Sun Lijo ।
Sas Sasur Ki Seva Kijo ॥
Mujhako Bhi Hoga Vishram ।
Patitapavan Sitaram ॥ ॥

Mera Dosh Bata Prabhu Dijo ।
Sang Mujhe Seva Mein Lijo ॥
Arddhangini Tumhari Ram ।
Patitapavan Sitaram ॥ ॥

Samachar Suni Lakshman Aye ।
Dhanush Ban Sang Param Suhaye ॥
Bole Sang Chaloonga Ram ।
Patitapavan Sitaram ॥ ॥

Ram Lakhan Mithilesh Kumari ।
Van Jane Ki Kari Taiyari ॥
Rath Mein Baith Gaye Sukh Dham ।
Patitapavan Sitaram ॥ ॥

Avadhapuri Ke Sab Nar Nari ।
Samachar Sun Vyakul Bhari ॥
Macha Avadh Mein Koharam ।
Patitapavan Sitaram ॥ ॥

Shrrngaverapur Raghuvar Aye ।
Rath Ko Avadhapuri Lautaye ॥
Ganga Tat Par Aye Ram ।
Patitapavan Sitaram ॥ ॥

Kevat Kahe Charan Dhulavao ।
Pichhe Nauka Mein Chadh Jao ॥
Patthar Kar Di, Nari Ram ।
Patitapavan Sitaram ॥ ॥

Laya Ek Kathauta Pani ।
Charan Kamal Dhoye Sukh Mani ॥
Nav Chadhaye Lakshman Ram ।
Patitapavan Sitaram ॥ ॥

Utarai Mein Mudari Dini ।
Kevat Ne Yah Vinati Kini ॥
Utarai Nahin Loonga Ram ।
Patitapavan Sitaram ॥ ॥

Tum Aye, Ham Ghat Utare ।
Ham Ayenge Ghat Tumhare ॥
Tab Tum Par Lagayo Ram ।
Patitapavan Sitaram ॥ ॥

Bharadvaj Ashram Par Aye ।
Ram Lakhan Ne Shish Navae ॥
Ek Rat Kinha Vishram ।
Patitapavan Sitaram ॥ ॥

Bhai Bharat Ayodhya Aye ।
Kaiki Ko Katu Vachan Sunaye ॥
Kyon Tumane Van Bheje Ram ।
Patitapavan Sitaram ॥ ॥

Chitrakoot Raghunandan Aye ।
Van Ko Dekh Siya Sukh Paye ॥
Mile Bharat Se Bhai Ram ।
Patitapavan Sitaram ॥ ॥

Avadhapuri Ko Chalie Bhai ।
Yah Sab Kaiki Ki Kutilai ॥
Tanik Dosh Nahin Mera Ram ।
Patitapavan Sitaram ॥ ॥

Charan Paduka Tum Le Jao ।
Pooja Kar Darshan Phal Pavo ॥
Bharat Ko Kanth Lagaye Ram ।
Patitapavan Sitaram ॥ ॥

Age Chale Ram Raghuraya ।
Nishacharon Ka Vansh Mitaya ॥
Rshiyon Ke Hue Pooran Kam ।
Patitapavan Sitaram ॥ ॥

‘anasooya’ Ki Kutiya Aye ।
Divy Vastr Siy Man Ne Pay ॥
Tha Muni Atri Ka Vah Dham ।
Patitapavan Sitaram ॥ ॥

Muni-sthan Ae Raghurai ।
Shoorpanakha Ki Nak Katai ॥
Kharadooshan Ko Mare Ram ।
Patitapavan Sitaram ॥ ॥

Panchavati Raghunandan Ae ।
Kanak Mrg “marich“ Sang Dhaye ॥
Lakshman Tumhen Bulate Ram ।
Patitapavan Sitaram ॥ ॥

Ravan Sadhu Vesh Mein Aya ।
Bhookh Ne Mujhako Bahut Sataya ॥
Bhiksha Do Yah Dharm Ka Kam ।
Patitapavan Sitaram ॥ ॥

Bhiksha Lekar Sita Ai ।
Hath Pakad Rath Mein Baithai ॥
Sooni Kutiya Dekhi Bhai ।
Patitapavan Sitaram ॥ ॥

Dharani Gire Ram Raghurai ।
Sita Ke Bin Vyakulatai ॥
He Priy Site, Chikhe Ram ।
Patitapavan Sitaram ॥ ॥

Lakshman, Sita Chhod Nahin Tum Ate ।
Janak Dulari Nahin Ganvate ॥
Bane Banaye Bigade Kam ।
Patitapavan Sitaram ॥ ॥

Komal Badan Suhasini Site ।
Tum Bin Vyarth Rahenge Jite ॥
Lage Chandani-jaise Gham ।
Patitapavan Sitaram ॥ ॥

Sun Ri Maina, Sun Re Tota ।
Main Bhi Pankho Vala Hota ॥
Van Van Leta Dhoondh Tamam ।
Patitapavan Sitaram ॥ ॥

Shyama Hirani, Too Hi Bata De ।
Janak Nandani Mujhe Mila De ॥
Tere Jaisi Ankhe Shyam ।
Patitapavan Sitaram ॥ ॥

Van Van Dhoondh Rahe Raghurai ।
Janak Dulari Kahin Na Pai ॥
Grddharaj Ne Kiya Pranam ।
Patitapavan Sitaram ॥ ॥

Chakh Chakh Kar Phal Shabari Lai ।
Prem Sahit Khaye Raghurai ॥
Aise Mithe Nahin Hain Am ।
Patitapavan Sitaram ॥ ॥

Vipr Rup Dhari Hanumat Ae ।
Charan Kamal Mein Shish Navaye ॥
Kandhe Par Baithaye Ram ।
Patitapavan Sitaram ॥ ॥

Sugriv Se Kari Mitai ।
Apani Sari Katha Sunai ॥
Bali Pahunchaya Nij Dham ।
Patitapavan Sitaram ॥ ॥

Sinhasan Sugriv Bithaya ।
Man Mein Vah Ati Harshaya ॥
Varsha Rtu Ai He Ram ।
Patitapavan Sitaram ॥ ॥

He Bhai Lakshman Tum Jao ।
Vanarapati Ko Yoon Samajhao ॥
Sita Bin Vyakul Hain Ram ।
Patitapavan Sitaram ॥ ॥

Desh Desh Vanar Bhijavae ।
Sagar Ke Sab Tat Par Ae ॥
Sahate Bhookh Pyas Aur Gham ।
Patitapavan Sitaram ॥ ॥

Sampati Ne Pata Bataya ।
Sita Ko Ravan Le Aya ॥
Sagar Kood Gae Hanuman ।
Patitapavan Sitaram ॥ ॥

Kone Kone Pata Lagaya ।
Bhagat Vibhishan Ka Ghar Paya ॥
Hanuman Ko Kiya Pranam ।
Patitapavan Sitaram ॥ ॥

Ashok Vatika Hanumat Ae ।
Vrksh Tale Sita Ko Paye ॥
Ansoo Barase Atho Yam ।
Patitapavan Sitaram ॥ ॥

Ravan Sang Nishichari Lake ।
Sita Ko Bola Samajha Ke ॥
Meri or Tum Dekho Bam ।
Patitapavan Sitaram ॥ ॥

Mandodari Bana Doon Dasi ।
Sab Seva Mein Lanka Vasi ॥
Karo Bhavan Mein Chalakar Vishram ।
Patitapavan Sitaram ॥ ॥

Chahe Mastak Kate Hamara ।
Main Nahin Dekhoon Badan Tumhara ॥
Mere Tan Man Dhan Hai Ram ।
Patitapavan Sitaram ॥ ॥

Oopar Se Mudrika Girai ।
Sita Ji Ne Kanth Lagai ॥
Hanuman Ne Kiya Pranam ।
Patitapavan Sitaram ॥ ॥

Mujhako Bheja Hai Raghuraya ।
Sagar Langh Yahan Main Aya ॥
Main Hoon Ram Das Hanuman ।
Patitapavan Sitaram ॥ ॥

Bhookh Lagi Phal Khana Chahoon ।
Jo Mata Ki Agya Paoon ॥
Sab Ke Svami Hain Shri Ram ।
Patitapavan Sitaram ॥ ॥

Savadhan Ho Kar Phal Khana ।
Rakhavalon Ko Bhool Na Jana ॥
Nishacharon Ka Hai Yah Dham ।
Patitapavan Sitaram ॥ ॥

Hanuman Ne Vrksh Ukhade ।
Dekh Dekh Mali Lalakare ॥
Mar-mar Pahunchaye Dham ।
Patitapavan Sitaram ॥ ॥

Akshay Kumar Ko Svarg Pahunchaya ।
Indrajit Ko Phansi Le Aya ॥
Brahmaphans Se Bandhe Hanuman ।
Patitapavan Sitaram ॥ ॥

Sita Ko Tum Lauta Dijo ।
Un Se Kshama Yachana Kijo ॥
Tin Lok Ke Svami Ram ।
Patitapavan Sitaram ॥ ॥

Bhagat Bibhishan Ne Samajhaya ।
Ravan Ne Usako Dhamakaya ॥
Sanamukh Dekh Rahe Raghurai ।
Patitapavan Sitaram ॥ ॥

Rooi, Tel Ghrt Vasan Mangai ।
Poonchh Bandh Kar Ag Lagai ॥
Poonchh Ghumai Hai Hanuman ।
Patitapavan Sitaram ॥ ॥

Sab Lanka Mein Ag Lagai ।
Sagar Mein Ja Poonchh Bujhai ॥
Hraday Kamal Mein Rakhe Ram ।
Patitapavan Sitaram ॥ ॥

Sagar Kood Laut Kar Aye ।
Samachar Raghuvar Ne Paye ॥
Divy Bhakti Ka Diya Inam ।
Patitapavan Sitaram ॥ ॥

Vanar Richh Sang Mein Lae ।
Lakshman Sahit Sindhu Tat Ae ॥
Lage Sukhane Sagar Ram ।
Patitapavan Sitaram ॥ ॥

Setoo Kapi Nal Nil Banaven ।
Ram-ram Likh Sila Tiraven ॥
Lanka Pahunche Raja Ram ।
Patitapavan Sitaram ॥ ॥

Angad Chal Lanka Mein Aya ।
Sabha Bich Mein Panv Jamaya ॥
Bali Putr Maha Baladham ।
Patitapavan Sitaram ॥ ॥

Ravan Panv Hatane Aya ।
Angad Ne Phir Panv Uthaya ॥
Kshama Karen Tujhako Shri Ram ।
Patitapavan Sitaram ॥ ॥

Nishacharon Ki Sena Ai ।
Garaj Taraj Kar Hui Ladai ॥
Vanar Bole Jay Siya Ram ।
Patitapavan Sitaram ॥ ॥

Indrajit Ne Shakti Chalai ।
Dharani Gire Lakhan Murajhai ॥
Chinta Karake Roye Ram ।
Patitapavan Sitaram ॥ ॥

Jab Main Avadhapuri Se Aya ।
Hay Pita Ne Pran Ganvaya ॥
Van Mein Gai Churai Bam ।
Patitapavan Sitaram ॥ ॥

Bhai Tumane Bhi Chhitakaya ।
Jivan Mein Kuchh Sukh Nahin Paya ॥
Sena Mein Bhari Koharam ।
Patitapavan Sitaram ॥ ॥

Jo Sanjivani Booti Ko Lae ।
To Bhai Jivit Ho Jaye ॥
Booti Layega Hanuman ।
Patitapavan Sitaram ॥ ॥

Jab Booti Ka Pata Na Paya ।
Parvat Hi Lekar Ke Aya ॥
Kal Nem Pahunchaya Dham ।
Patitapavan Sitaram ॥ ॥

Bhakt Bharat Ne Ban Chalaya ।
Chot Lagi Hanumat Langadaya ॥
Mukh Se Bole Jay Siya Ram ।
Patitapavan Sitaram ॥ ॥

Bole Bharat Bahut Pachhatakar ।
Parvat Sahit Ban Baithakar ॥
Tumhen Mila Doon Raja Ram ।
Patitapavan Sitaram ॥ ॥

Booti Lekar Hanumat Aya ।
Lakhan Lal Uth Shish Navaya ॥
Hanumat Kanth Lagaye Ram ।
Patitapavan Sitaram ॥ ॥

Kumbhakaran Uthakar Tab Aya ।
Ek Ban Se Use Giraya ॥
Indrajit Pahunchaya Dham ।
Patitapavan Sitaram ॥ ॥

Durgapoojan Ravan Kino ।
Nau Din Tak Ahar Na Lino ॥
Asan Baith Kiya Hai Dhyan ।
Patitapavan Sitaram ॥ ॥

Ravan Ka Vrat Khandit Kina ।
Param Dham Pahuncha Hi Dina ॥
Vanar Bole Jay Shri Ram ।
Patitapavan Sitaram ॥ ॥

Sita Ne Hari Darshan Kina ।
Chinta Shok Sabhi Taj Dina ॥
Hans Kar Bole Raja Ram ।
Patitapavan Sitaram ॥ ॥

Pahale Agni Pariksha Pao ।
Pichhe Nikat Hamare Ao ॥
Tum Ho Pativrata He Bam ।
Patitapavan Sitaram ॥ ॥

Kari Pariksha Kanth Lagai ।
Sab Vanar Sena Harashai ॥
Rajy Bibhishan Dinha Ram ।
Patitapavan Sitaram ॥ ॥

Phir Pushpak Viman Mangaya ।
Sita Sahit Baithe Raghuraya ॥
Dandakavan Mein Utare Ram ।
Patitapavan Sitaram ॥ ॥

Rshivar Sun Darshan Ko Aye ।
Stuti Kar Man Mein Harshaye ॥
Tab Ganga Tat Aye Ram ।
Patitapavan Sitaram ॥ ॥

Nandi Gram Pavanasut Aye ।
Bhai Bharat Ko Vachan Sunae ॥
Lanka Se Ae Hain Ram ।
Patitapavan Sitaram ॥ ॥

Kaho Vipr Tum Kahan Se Ae ।
Aise Mithe Vachan Sunae ॥
Mujhe Mila Do Bhaiya Ram ।
Patitapavan Sitaram ॥ ॥

Avadhapuri Raghunandan Aye ।
Mandir-mandir Mangal Chhaye ॥
Mataon Ne Kiya Pranam ।
Patitapavan Sitaram ॥ ॥

Bhai Bharat Ko Gale Lagaya ।
Sinhasan Baithe Raghuraya ॥
Jag Ne Kaha, “hain Raja Ram” ।
Patitapavan Sitaram ॥ ॥

Sab Bhoomi Vipro Ko Dini ।
Vipron Ne Vapas De Dini ॥
Ham to Bhajan Karenge Ram ।
Patitapavan Sitaram ॥ ॥

Dhobi Ne Dhoban Dhamakai ।
Ramachandr Ne Yah Sun Pai ॥
Van Mein Sita Bheji Ram ।
Patitapavan Sitaram ॥ ॥

Balmiki Ashram Mein Ai ।
Lav Va Kush Hue Do Bhai ॥
Dhir Vir Gyani Balavan ।
Patitapavan Sitaram ॥ ॥

Ashvamegh Yagy Kinha Ram ।
Sita Bin Sab Soone Kam ॥
Lav Kush Vahan Diyo Pahachan ।
Patitapavan Sitaram ॥ ॥

Sita, Ram Bina Akulai ।
Bhoomi Se Yah Vinay Sunai ॥
Mujhako Ab Dijo Vishram ।
Patitapavan Sitaram ॥ ॥

Sita Bhoomi Mein Samai ।
Dekhakar Chinta Ki Raghurai ॥
Bar Bar Pachhataye Ram ।
Patitapavan Sitaram ॥ ॥

Ram Rajy Mein Sab Sukh Paven ।
Prem Magn Ho Hari Gun Gaven ॥
Dukh Kalesh Ka Raha Na Nam ।
Patitapavan Sitaram ॥ ॥

Gyarah Hajar Varsh Parayanta ।
Raj Kinh Shri Lakshmi Kanta ॥
Phir Baikunth Padhare Dham ।
Patitapavan Sitaram ॥ ॥

Avadhapuri Baikunth Sidhai ।
Nar Nari Sabane Gati Pai ॥
Sharanagat Pratipalak Ram ।
Patitapavan Sitaram ॥ ॥

“Shyam Sundar” Ne Lila Gai ।
Meri Vinay Suno Raghurai ॥
Bhooloon Nahin Tumhara Nam ।
Patitapavan Sitaram ॥ ॥