Bina Lakshman Ke Hai Jag Soona Soona | बिना लक्ष्मण के है जग सुना सुना: भजन | In English

Bina Lakshman Ke Hai Jag Soona Soona ॥Shlok – Murchhit Hue Jab Lakhanalal Ran Mein,
Lagi Chot Raghuvar Ke Tab Aisi Maan Mein,
Roke Sugriv Se Bole Jao,
Abhi Band Fauran Ladai Karao ॥

Bina Lakshman Ke Hai Jag Soona Soona,
Mujhe Aur Jine Ki Chaahat Nahin Hai,
Ai Viro Mujhe Chhod Ke Laut Jao,
Ai Viro Mujhe Chhod Ke Laut Jao,
Ki Lanka Vijay Ki Jarurat Nahin Hai,
Bina Lakshman Ke Hai Jag Soona Soona ॥

Mera Dahina Haath Hai Aaj Tuta,
Lakhan Laal Se Hai Mera Saath Chhuta,
Bina Lakshman Ke Hua Main Apahich,
Bina Lakshman Ke Hua Main Apahich,
Dhanush Ab Uthane Ki Taakat Nahin Hai,
Bina Lakshman Ke Hai Jag Soona Soona ॥

Main Duniya Ko Kya Munh Dikhaunga Jakar,
Kya Mata Ko Aakhir Bataunga Jaakar,
Main Kaise Kahunga Lakhan Aa Raha Hai,
Main Kaise Kahunga Lakhan Aa Raha Hai,
Mujhe Jhuth Kahane Ki Adat Nahi Hai,
Bina Lakshman Ke Hai Jag Soona Soona ॥

Ye Sunakar Pavanasut Bole Aage Badhakar,
Main Buti Sanjivan Le Aata Hun Jakar,
Mere Jite Ji Kaal Lakshman Ko Kha Le,
Abhi Kaal Mein Itani Taakat Nahin Hai,
Mere Jite Ji Kaal Lakshman Ko Kha Le ॥

Prabal Beg Se Phir Hanuman Dhaye,
Utha Kar Hatheli Pe Parvat Le Aaye,
Le Aa Pahunche Suraj Nikalane Se Pahale,
Kisi Vir Main Itni Karamati Nahi Hai,
Le Aa Pahunche Suraj Nikalane Se Pahale ॥

Vo Laakar Sanjivan Lakhan Ko Jilaye,
Do Bichhade Hue Bhai Hanumat Milaaye,
Hai Jitani Krpa Ram Ki Unake Upar,
Kisi Bhakt Ki Itani Inaayat Nahin Hai,
Hai Jitani Krpa Ram Ki Unake Upar ॥

Karo Prem Se ‘Sharma’ Bajarang Ka Sumiran,
Sabhi Dur Ho Jaegi Teri Ulajhan,
Padhe Roj Jo ‘Lakhkha’ Hanumat Chalisa,
Kabhi Usape Aa Sakati Aaphat Nahin Hai,
Karo Prem Se ‘Sharma’ Bajarang Ka Sumiran,
Kabhi Tumpe Aa Sakti Aphat Nahi Hai ॥

Bina Lakshman Ke Hai Jag Soona Soona,
Mujhe Aur Jine Ki Chaahat Nahin Hai,
Ai Viro Mujhe Chhod Ke Laut Jao,
Ai Viro Mujhe Chhod Ke Laut Jao,
Ki Lanka Vijay Ki Jarurat Nahin Hai,
Bina Lakshman Ke Hai Jag Soona Soona ॥