Saj Rahi Meri Ambe Maiya Sunahare Gote Mein | सज रही मेरी अम्बे मैया - माता भजन | In English

Saj Rahi Meri Ambe Maiya, Sunehri Gote Mein ।
Sunehri Gote Mein, Sunehri Gote Mein,
Sunehri Gote Mein, Roopaharee Gote Mein.Maiya Teri Chunri Ki Gajab Hai Baat,
Chanda Jaisa Mukhda Mehndi Se Rache Hath,
॥ Saj Rahi Meri Ambe Maiya… ॥

Maiya Ke Pyare,
Shridhar Bechare,
Karate Vo Nirdhan,
Nit Kanya Poojan,
Maa Prasann Ho Un Par,
Aai Kanya Bankar,
Unke Ghar Aai,
Ye Hukm Sunai,
Kal Apne Ghar Par Rakho Vishal Bhandara,
Karao Sabko Bhojan Bulao Ganv Sara,
॥ Saj Rahi Meri Ambe Maiya… ॥

Maa Ka Sandesa, Haan Ji
Ghar Ghar Mein Pahuncha, Haan Ji
Karne Ko Bhojan, Haan Ji
Aa Gaye Sab Bramhan, Haan Ji
Bhairav Bhi Aaya, Haan Ji
Sab Chelon Ko Laya, Haan Ji
Shreedhar Ghabraye, Haan Ji
Kuchh Samajh Na Paye, Haan Ji
Phir Kanya Aai, Haan Ji
Unhen Dheer Bandhai, Haan Ji
Vo Divy Shakti, Haan Ji
Shreedhar Se Boli, Haan Ji
Tum Mat Ghabrao, Haan Ji
Ab Bahar Aao, Haan Ji
Sab Atithi Apne, Haan Ji
Kutiya Mein Lao, Haan Ji
Shreedhar Ji Bole, Haan Ji
Phir Bahar Aakar, Haan Ji
Sab Bhojan Karale, Haan Ji
Kutiya Mein Chalkar, Haan Ji
Phir Bhairav Bole, Haan Ji
Mai Aur Mere Chele, Haan Ji
Kutiya Mein Teri, Haan Ji
Baithenge Kaise, Haan Ji
Bole Phir Shreedhar, Haan Ji
Tum Chalo to Andar, Haan Ji
Asthan Ki Chinta, Haan Ji
Tum Chhod Do Mujhpar, Haan Ji
Tab Laga Ke Aasan, Haan Ji
Baithe Sab Bramhan, Haan Ji
Kutiya Ke Andar, Haan Ji
Karne Ko Bhojan, Haan Ji
Bhandare Ka Aayojan Shreedhar Ji Se Karvaya,
Phir Sabko Pet Bharkar Bhojan Tune Karvaya,
Maiya Teri Maya Kya Samjhega Koi,
Jo Bhi Tujhe Pooje Nasibo Wala Hoy,
॥ Saj Rahi Meri Ambe Maiya… ॥

Sunle Ai Bramhan, Haan Ji
Ye Vaishnav Bhojan, Haan Ji
Bramhan Jo Khate, Haan Ji
Wahi Tujhe Khilate, Haan Ji
Hat Ki Jo Tune, Haan Ji
Bada Paap Lagega, Haan Ji
Yahan Maans Aur Madira, Haan Ji
Nahin Tujhe Milega, Haan Ji
Ye Vaishno Bhandara Tu Maan Le Mera Kahna,
Bramhan Ko Maans Madira Se Kya Lena Dena,
॥ Saj Rahi Meri Ambe Maiya… ॥

Bhairav Na Chhoda, Haan Ji
Maiya Ka Peechha, Haan Ji
Maa Gupha Ke Andar, Haan Ji
Jab Chhup Gai Jakar, Haan Ji
Jab Garbh Gupha Mein, Haan Ji
Bhairav Jata Tha, Haan Ji
Pahare Par Baithe, Haan Ji
Langoor Ne Roka, Haan Ji
Ad Gaya Tha Bhairav, Haan Ji
Jab Apni Jid Par, Haan Ji
Laangur Bhairav Mein, Haan Ji
Hua Yuddh Bhayankar, Haan Ji
Phir Aadi Shakti, Haan Ji
Bankar Ranchandi, Haan Ji
Jab Garbh Gupha Se, Haan Ji
Thi Bahar Nikli, Haan Ji
Vo Roop Banaya, Haan Ji
Bhairav Ghabraya, Haan Ji
Talwar Ik Mari, Haan Ji
Bhairav Sanhari, Haan Ji
Bhairav Ke Tan Se, Haan Ji
Aawaj Ye Aai, Haan Ji
Hai Aadi Shakti, Haan Ji
Hai Chandi Mai, Haan Ji
Mujh Par Kripa Kar, Haan Ji
Mera Dosh Bhulakar, Haan Ji
Mujhe Koi Var De, Haan Ji
Ye Karoona Kar De, Haan Ji
Main Hoon Apradhi, Haan Ji
Teri Bhakti Sadhi, Haan Ji
Mera Dosh Mita De, Haan Ji
Nirdosh Bana De, Haan Ji
Bhairav Sharnagat Aaya to Boli Vaishnav Mata,
Meri Pooja Ke Baad Mein Hogi Teri Bhi Pooja,
Maiya Ke Darshan Kar Jo Bhairav Mandir Mein Jaye,
Maiya Ki Kripa Se Vo Man Chaha Var Paye,
॥ Saj Rahi Meri Ambe Maiya… ॥

Saj Rahi Meri Ambe Maiya, Sunehri Gote Mein ।
Sunehri Gote Mein, Sunehri Gote Mein,
Sunehri Gote Mein, Roophari Gote Mein ॥

| | | |